Kthehu lart

Mos e përdorni telefonin në makinë, ja SUPERGJOBAT e policisë

Mos e përdorni telefonin në makinë, ja SUPERGJOBAT e policisë GazetaExpress

Gjobat rrugore ishin në fokus të "Repolitix" këtë të mërkurë ku debatuan ekspertë të sigurisë rrugore dhe punonjës të policisë.

Policia Rrugore ka paralajmëruar aplikimin e gjobave të reja për përdorimin e celularit gjatë drejtimit të mjetit dhe kalimin e semaforit. Drejtori i Policisë Rrugore, Mitat Tola u shpreh se gjoba për celularin do arrijë 5-8 mijë lekë të reja, ndërsa ajo për semaforin 20-30 mijë lekë të reja. 

"Sot gjoba për përdorimin e telefonit ka mbetur njësoj si në vitin 1993 kur nuk ekzistonte celulari, pra 10-15 mijë lekë të vjetra. Celulari është armë vrasëse. Për të kopjuar modelin italian e gjerman, duhet të shkojmë në masën e parë. Në draft kemi vendosir 50-80 mijë në herën e parë dhe nëse e përsërit brenda 3 muaj trefishohet deri në heqjen e patentës. Shkelja e semaforit shkon nga 200-300 mijë lekë, pra nëse kalon semaforin me të kuqe. Ne shkuam te një përdorim rripi masiv, gjoba për mosvendosje është 50-150 mijë lekë të vjetra. Ne kemi paraqitur dy drafte, një për të ndryshuar Kodin Penal për vrasjet në rrugë, do marrim dhe mendimet e ekspertëve", u shpreh Tola. 

Gjoba për përdorimin e telefonit 
50-80 mijë lekë - Nëse përsëritet brenda 3 muaj trefishohet deri në heqjen e patentës

Gjoba për kalim të Semaforit
200-300 mijë lekë, nëse përsëritet tre herë brenda vitit, pezullohet patentata deri në një vit

Gjoba për mosvendosje të rripit
50-150 mijë lekë

Gjobat ndaj kalimtarëve, Tola: Të pa aplikueshme
Tola: Të gjobitësh një këmbësor, duhet të ketë kartën e identetetit me vete. Në mungesë të saj, ky person duhet shoqëruar në komisariat, të merren të dhënat dhe t'i vendoset një gjobë 10-15 mijë lekë dhe t'i vendosësh një afat 10 apo 15 ditë për ta paguar. Por t'i nuk do e kapësh më atë. Vrasëse janë kalimet në autostradën Tiranë-Durrës, ku kemi vazhdimisht viktima. Prandaj, nevojitet më tepër sensibilizim. 

    Data: 22 Nentor 2017 22:35
    Autori: GazetaExpress

    Të tjera